Opinion
L'occitan, ua vertadèra LVB?
1. Ua prumèra mentida: Ua Lenga Viva B (LVB) generalizada en licèu
Au CAEOC de junh de 2019, estoc indicat que l’occitan seré ua LVB (ex-LV2) dins 23 licèus de l’acadèmia de Tolosa sus 35 on i a encara d’occitan. La LVB existishèva dejà dins 7 licèus. Ne calèva donc draubir 16...
En realitat, lo gat es magre! N’i a pas nat on l’occitan LVB estoc oficialament draubit…
Estoc la prumèra grana mentida de l’educacion nacionala, quan la propaganda blanqueriana disèva lo contrari.
2. Ua segonda mentida: Ua LVB OC entau bac
Dins ua amassada de formators interlengas, lo 27.09.19 a Colomèrs, los IPRs de lengas vivas de l’acadèmia de Tolosa certifiquèn que damorarem, entà la causida, quasi sus la medisha formula qu’abans.
Entà estar clar: son los liceans, en classa de prumèra, a la fin deu prumèr trimestre e au moment de l’inscripcion au bac, que causirén l’òrde de passatge de las lengas au bac.
Entà dar un exemple concret, ua LVB Castelhan seré presa en compte coma tala entà Parcoursup, mès que poiré estar ua LVC (ex-LV3) entau bac. De la medisha faiçon ua LVC Occitan damoraré LVC entà l’establiment mès que seré LVB entau Bac.
Aquesta solucion permeteré de hòra-banir los provisors de la causida de las LVs au bac. Sonque l’escolan e la familha causirén.
Mès en realitat, aquesta solucion èra ua experimentacion deu rectorat mondin, pas brica validada per la Direccion Generala de l’Ensenhament eSCOlar de París (DGESCO).
L’afar deu licèu de l’Isla de Baish de la debuta de deceme, on 8 escolans de LVC se vejón interdits de LVB au bac, mostrèc la segonda mentida.
Après la mobilizacion deus parents, deu provisor, d’associatius e d’elegits s’acceptèc “a títol excepcionau” l’inscripcion deus liceans lisleses a la LVB Òc.
Dins aqueste lamentable episòdi, l’empacha èran pas ni l’administracion deu licèu, ni lo rectorat, mès clarament la DGESCO.
En realitat, dins d’autes licèus de l’acadèmia de Tolosa, escolans d’occitan se vejón interdits de LVB (Galhac per exemple), mès l’afar prengoc pas la dimension de l’Isla de Baish.
D’aulhors, ara que las inscripcion s’acabèn, caleré que l’OPLO hascosse ua comparason entre los inscriuts d’enguan LV2 OC de terminala e los LVB OC de prumèra. Seré fòrça instructiu.
3. Ua liquidacion amagada?
Darrèr las darrèras camaligas sus l’occitan, trobam la DGESCO soent
Es clar ara que i a gents au ministèri del’EN que vòlen pas dar nada plaça a l’occitan dins l’encastre de la refòrma Blanquèr deus licèus.
Jo apèri açò ua liquidacion escusèra.
Au CAEOC de junh de 2019, estoc indicat que l’occitan seré ua LVB (ex-LV2) dins 23 licèus de l’acadèmia de Tolosa sus 35 on i a encara d’occitan. La LVB existishèva dejà dins 7 licèus. Ne calèva donc draubir 16...
En realitat, lo gat es magre! N’i a pas nat on l’occitan LVB estoc oficialament draubit…
Estoc la prumèra grana mentida de l’educacion nacionala, quan la propaganda blanqueriana disèva lo contrari.
2. Ua segonda mentida: Ua LVB OC entau bac
Dins ua amassada de formators interlengas, lo 27.09.19 a Colomèrs, los IPRs de lengas vivas de l’acadèmia de Tolosa certifiquèn que damorarem, entà la causida, quasi sus la medisha formula qu’abans.
Entà estar clar: son los liceans, en classa de prumèra, a la fin deu prumèr trimestre e au moment de l’inscripcion au bac, que causirén l’òrde de passatge de las lengas au bac.
Entà dar un exemple concret, ua LVB Castelhan seré presa en compte coma tala entà Parcoursup, mès que poiré estar ua LVC (ex-LV3) entau bac. De la medisha faiçon ua LVC Occitan damoraré LVC entà l’establiment mès que seré LVB entau Bac.
Aquesta solucion permeteré de hòra-banir los provisors de la causida de las LVs au bac. Sonque l’escolan e la familha causirén.
Mès en realitat, aquesta solucion èra ua experimentacion deu rectorat mondin, pas brica validada per la Direccion Generala de l’Ensenhament eSCOlar de París (DGESCO).
L’afar deu licèu de l’Isla de Baish de la debuta de deceme, on 8 escolans de LVC se vejón interdits de LVB au bac, mostrèc la segonda mentida.
Après la mobilizacion deus parents, deu provisor, d’associatius e d’elegits s’acceptèc “a títol excepcionau” l’inscripcion deus liceans lisleses a la LVB Òc.
Dins aqueste lamentable episòdi, l’empacha èran pas ni l’administracion deu licèu, ni lo rectorat, mès clarament la DGESCO.
En realitat, dins d’autes licèus de l’acadèmia de Tolosa, escolans d’occitan se vejón interdits de LVB (Galhac per exemple), mès l’afar prengoc pas la dimension de l’Isla de Baish.
D’aulhors, ara que las inscripcion s’acabèn, caleré que l’OPLO hascosse ua comparason entre los inscriuts d’enguan LV2 OC de terminala e los LVB OC de prumèra. Seré fòrça instructiu.
3. Ua liquidacion amagada?
Darrèr las darrèras camaligas sus l’occitan, trobam la DGESCO soent
— Lo rector balhèc ua derogacion a ua escolan de cumular los EDS OC + EDS Anglés, mès la DGESCO la refusèc. Ací estoc un combat de mèi
— Lo restabliment complicat de la LVB a Sant Africa.
— L’afar deu cumul BachiBac + Occitan on l’arrestat deu 5-6-2019 publicat au J.O. deu 23-6-2019 ditz dins son article 5 que “Les élèves scolarisés dans une section Bachibac ne sont pas autorisés à choisir une langue vivante régionale au titre de l’épreuve de langue vivante B.”
— Refús renovelat de dar l’estatut avantatjós de las Lengas e Culturas de l’Antiquitat a las Lengas Regionalas.
— Lo restabliment complicat de la LVB a Sant Africa.
— L’afar deu cumul BachiBac + Occitan on l’arrestat deu 5-6-2019 publicat au J.O. deu 23-6-2019 ditz dins son article 5 que “Les élèves scolarisés dans une section Bachibac ne sont pas autorisés à choisir une langue vivante régionale au titre de l’épreuve de langue vivante B.”
— Refús renovelat de dar l’estatut avantatjós de las Lengas e Culturas de l’Antiquitat a las Lengas Regionalas.
Es clar ara que i a gents au ministèri del’EN que vòlen pas dar nada plaça a l’occitan dins l’encastre de la refòrma Blanquèr deus licèus.
Jo apèri açò ua liquidacion escusèra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 — Qué serà l'ensenhament de l'Occitan de deman ?
— Espèri que serà quicòm puslèu que non pas res mai, mas non ne prenèm lo camin, actualament…
— Sabèm plan que los mejans especifics son pas un dispositiu durable a que plaçan aquel ensenhament dins una situacion precària…
— Vos enganatz ! Los mejans especifics son actualament indispensables a la subrvida de nòstre ensenhament (e donc del nòstre pòble). Si qu'es precària la situacion de las lengas ditas "de França". Mas aiçò es per amor de lor abséncia d'oficialitat dins l'estat xenofòb francés. Dins l'espandi exclusivista franconfòn, nòstra lenga, en clar, pragmaticament, non servís pas a res. Tot emplèc accessible o es en francés, o en anglés. Son rarissims los emplècs exigissent l'usatge corrent de l'occitan, respecte a mercat general del trabalh. E non risca gaire d'èssr ni FELCO ni la FLAREP que i cambiaràn qué que siá, ja que non n'an de ges de biais lo poder ni la vocacion. Son de partits politics que poirián eventualament trabalhar a assajar d'i melhorar quicòm, en venent, d'una part, fòrça de proposicion, e, d'autra part, fòrça de pression sociala. Per ara encara ne sèm luènh.
#7 Ai pas gaire de temps per respondre, ça que la:
"Caquelà es un trabalh de mantenença, pas vertadièrament prospectiu."
Non, fasèm pas un trabalh de mantenença, mantenèm pas una situacion estant que "cream" de novèls locutors (los escolans occitanofònes abans d'arribar a l'escòla son de raretats). L'objectiu es donc de multiplicar lo nombre de locutors.
"Que sera l'ensenhament de l'Occitan de deman ?"
Ne sabi pas mai que tu. Espèri que serà melhor qu'actualament, es per aquò que trabalham.
"Sabem plan que los mejans especifics son pas un dispositiu durable a que plaçan aquel ensenhament dins una situacion precària."
Benlèu. As una solucion? Per ma part (e soi pas lo sol) pensi que pel moment es la melhora solucion. Sens mejans especifics sèm en concurrénca amb las matematicas, l'anglés e lo francés; sabes d'establiments ont van tirar d'oras a aquelas matèrias per far d'occitan?
"Quanhas son las proposicions alternativas de la FELCO ?"
Alternativas a qué?
Demandam mai de pòstes per desvolopar l'ensenhament de l'occitan, que sia accessible a totes e pertot, demandam dins un primièr temps al mens una egalitat de tractament amb las lengas vivas e las lengas ancianas (pel bac), e perqué pas un estatut per sortir l'occitan de la concurréncia. Volèm un desvolopament de l'ensenhament segon totas las modalitats: opcional, bilingue e perqué pas immersiu.
#6 Trabalh preciós, vertat. Caquelà es un trabalh de mantenença, pas vertadièrament prospectiu. Que sera l'ensenhament de l'Occitan de deman ? Sabem plan que los mejans especifics son pas un dispositiu durable a que plaçan aquel ensenhament dins una situacion precària. Quanhas son las proposicions alternativas de la FELCO ?
#4 Picotalos, coma president del CREO de l'academia de Tolosa me permeti de vos respondre. Ai pas cap de dobte qu'avètz plan legit la reforma Blanquer e qu'avètz plan seguit las inscripcions pel bac d'ongan. Vos demandi pas çò qu'avètz fach per melhorar la situacion, es sovent mal vengut dins los comentaris. Vos vau dire donc çò que faguèt lo CREO de l'academia de Tolosa pr'amor que me sembla qu'ès pas estat assabentat (sètz donc perdonable).
Rapèli que lo CREO es sòci de la FELCO e qu'a aqueste titol pren part a las accions al delà de l'academia. Tre la sortida de la famosa reforma, lo ministèri foguèt avertit de la marrida situacion que seria facha a las lengas regionalas. La FELCO faguèt prendre consciença a las autras lengas de França de la situacion, per sos contactes dirèctes e per sa participacion a la FLAREP. Avèm mobilizat los elegits e la associacions, fach de peticions, de manifestacions (en febrièr, i èretz benlèu). Avèm participat a la manifestacion interlengas a Paris a la fin del mes passat (cresi pas de vos aver vist dins lo tren qu'avèm pagat, a gratis per totes los militants que nos volian ajudar... demorava vòstra plaça liura). E tot aquò per qué me diretz? Avèm pas capitat, paures que sèm, a suprimir la reforma. Mas avèm ganhat la possibilitat d'aver l'occitan coma LVB (ex LV2) e la creacion d'EDS (ensenhament d'especialitat). Es magre, òc, nos ne contentam pas, mas es pas res.
Per la LVB i a un valat entre çò dich e escrich per las autoritats (rectoralas e ministerialas) e la realitat. Pecaire, quand un ministre o un rector ditz e escriu quicòm pensam que de còps es pas messorga. Sèm ninòis, o leials. La realitat es pas aquela que nos foguèt anonciada, es per aquò qu'un còp de mai tornam al patac (se nos volètz sostar, sèm pas de tròp).
Parlatz de tren de retard, benlèu, mas pel moment i a encara de causas a far (e doncas las farem) per que d'autres escolans se pòscan marcar en occitan LVB se vòlon, per que pòscan redigir en occitan lor espròva d'istòria, per aver un coeficient en LVC (ex LV3) mai digne qu'aquel previst. Per vòstra informacion, sèm pas los sols a trabalhar encara a cambiar aquesta reforma; de nombroses collègas de licèu son dins aquesta accion. Tant que i a de causas a far i serem, e esperam lo vòstre sosten.
Per n'acabar amb vòstra informacion, la reforma del bac foguèt pas nòstra sola preocupacion d'ongan. I aguèt tanben la supression de las dotacions especificas per l'occitan dins l'academia de Tolosa. Es benlèu un pauc tecnic per o explicar rapidament aici (e me desencusi d'èsser ja tant long), mas se ne volètz parlar vos pòdi explicar çò qu'avèm fach e cossi avèm recuperat mai de 80% de çò que nos èra estat suprimit.
Vos parlarai pas tanpauc del trabalh que menam amb las associacions de las lengas de França e los elegits de totes nivèls per melhorar la situacion de l'occitan, es un bocin complèxe.
Me desencusi d'èsser tant long, e pas forçadament clar. Es mai aisit d'èsser cort per fissar injustament que per explicar e argumentar. Desencusaretz mon ton benlèu un pauc sec, mas ai un pauc mal pres vòstre comentari quand mesuri l'annada de trabalh de l'associacion.
Consideracions occitanistas
#1 Prova de militantisme mas per quin partit??
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari