Opinion
Ambient tenut suus hialats sociaus
De costuma soi quauqu’un qu’a tendéncia d’estar positiu. E tanben, soi tojorn a l’argüèit de çò que’s debana a l’entorn, de l’ambient generau, deu sentit que predomina. Solide los hialats sociaus ajudan d’aver contactes dambe personas en dehòra de son cercle costumèr de coneishuts.
En darrèras, avèvi remercada la tendéncia qu’avèvi aperada la “paleontolatria”, que consistís en idolatrar lo temps passat, de’n guardar pas qu’un imatge fantasmat e positiu, deu temps quan èram joens. Es quicòm de pro naturau, lo temps de mainatge demòra plan sovent dens la memòria coma un moment de bonaür e de patz.
Mes avèvi tanben remercat qu’aquesta tendéncia èra pas tan neutra qu’aquò politicament, a escotar las entrevistas en sortida de las urnas. Uns partits semblan perpausar un retorn de cap a abans, quan “tot èra milhor”.
Solide las eleccions an jogat e jògan un ròtle màger dens l’ambient generau, e la des·hèita deu RN a botat fòrça monde dens un estat de ranguilhejada pergonda, qu’an pas engolit encara la pèrda deu saunei de la majoritat absoluda.
Doncas lo monde es meslèu tenut. Se vei aisidament. Se vesètz sus Face Book una fòto de vilatge en negre e blanc, (o quin imatge de petahum, de 2CV o de monde de las annadas 70 que sian) serà automaticament acompanhada de comentaris nhacaires, que disen que “tot aquò a plan cambiat e qu’ara es acabat lo temps on podèvam sortir per carrèras sense d’aver paur pr’amor deus imigrats.” E vos citi pas que çò de mès corrècte.
Una amiga avoc una desaventura un ser dambe un grop de dròlles que truquèn sa hinèstra dambe una bala. Sortiscoc e les cridèc, e eths, se muishèn meslèu arreguitnaires. Puèi l’amiga aperèc la polícia de sa vila e ausiscoc un disc que’u conselhava de’s conectar sus un siti internet per explicar lo problèma. Condèc l’anecdòta suu hialat sociau e los messatges de responsa estón fòrça agressius.
Fòrça monde que disèvan que’s cau pas estonar, que calèva votar RN e qu’ara son plan castigats pr’amor que son pas que bobos d’esquèrra, que’s cau pas plànher, o causas atau.
Sabi pas quan aquesta tendéncia va desaparéisher, mes es segur que la paraula racista e violenta s’es liberada, a pas mès vergonha e s’amaga pas mès.
Cresi totun que çò de positiu (e vaquí, ma tendéncia que torna) es que lo monde que son injuriables darrèr un clavèr d’ordenator son pas vertadèrament coratjoses, e se deishan anar pr’amor que son pas en fàcia de lor interlocutor. Dens la vita vitanta son plan mès sangpausats.
Benlèu que jo tanben vau virar au “paleontologista” e vau regretar lo temps vielh.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La batalha dau vilatge d'Asterix contre los que volan botar tot lo monde dins la vila, qu'aja tot (l'escòla, la cultura, un, trabalh remunerat, la joia de viure sens mesme aver besonh de pensar...) es deja dins l'agenda daus poderos. Autre còp lo vilatge maitrisava sa tecnica, aitau i avia una solidaritat entre los qu'i vivian. Tots dependian de lòrs vesins e de çò que fasin venir e fabricavan. En resultava una cultura de vilatge. mas, la Revolucion Industriela e aura la nauta tecnologia menan a una societat entre l'individu a de mens en mens lo poder de controlar la tecnica. e donc la politica e la cultura .Per aquò, los mondialistes, (l'oligrachia financiera e economica) an besonh d'instaurar lo fascisme per transformar las populacions en auvelhas obeissentas e veire a far diminuar lo nombre d'esser uman que vivan sur terra, per la guerra, per la famina, per la vaccinacion, e subretot per la paur.
Avetz agut paur dau fascisme de Marine Le Pen? Cresetz qu'i a una majoritat d'esquerra per governar? E ben fassetz faussa rota. En dissolvant l'Amassada Generala, Macron organiset lo caòs. Los poderos risan quand viesan daus camps se plumar. Quò permet de divisar per mielhs renhar. E la campanha dau front populari a estada menat per Macron e los medias e non pas per una opausicion d'esquerra.
Perqué Macron a condemnat lo front nacional? Per se demarcar daus italians e visar lo poste de president de la commission europeana?
Perqué lo diplòme d'erboristaria a estat suprimat per Petain en 1943 e jamai dempuei n'a estat retabli?
Una pendemia es deja estada anonçada per la darriera sason e deja los que suenhan los atletes daus juecs olimpics sont contraints de portar lo masc. E dans l'istoria de l'umanitat son los esclaus que portant lo masc.
Soscam un pauç.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari